اكتشاف سحر في جبل عرفات

معقول سحر في منطقه رمي الجمرات واثناء الحج ؟؟
طبعا لا وكلام غير صحيح طيب ليه ؟؟
اولا حب الترند والشهره والجري ورا الاخبار اللي بتلفت انتباه الناس 
ثانيا للاسف في عادات كتير جدا الناس بتعملها وبيتوارثها الاجيال زي مثلا واحده رايحه تحج فصديقتها تطلب منها تاخد كام خصله من شعرها وترميهم هناك عشان دا معناه انه سبب يخليها تروح تحج السنه اللي بعدها وغيرها من الطقوس اللي الناس بيبتدعوها زي زمان انا كنت فاكر لما حد يروح الحج او العمره كانو يجيبوا رسام او خطاط يرسم طياره ويكتب علي حيطه البيت (حج مبروك وذنب مغفور)

كان بيكتبها غلط وكانت عاده البلد كلها لازم تعملها وعيب تحج من غير ماتعمل كدا وكنا بنلاقي الحيطان عليها كميه طيارات بوينج مالهاش عدد 😂
ثالثا .. الدنيا مضقتش يعني بصاحب السحر هيروح يوديه مكه وسط مناسك الحج ووسط الزحام دا كله ويفضح نفسه ويكلف نفسه مبلغ محترم عشان يعمل عمل !!
رابعا السوشال ميديا الايام دي كفرت واوعي تصدق عليها حد اوعي تصدق عليها حد اوعي تصدق عليها حد الا من رحم ربي 👌
ملحوظه : دا مش معناه ان احنا كمصريين مسؤلين عن الهبل اللي بيحصل كله لكن احنا لنا دور كبير في نشر الجهل وتشجيع ناسه .. الدول مليانه بدع وكوارث لكن اهلها عندهم فطنه وحرص علي دولتهم الا احنا شعب بتاع ترند 🙂