ام سعيد
أم سعيد راحت فجأه إلى لندن كام يوم تزور ابنها ( سعيد ) اللي بيدرس هناك ..
المهم شافت إن ابنها ساكن مع وحدة اسمها ( نانسى )
البنت متشاركة معاه في الشقه وفيه غرفتين نوم بالشقه!
الأم العجوز لاحظت أن (نانسى ) اللي متشاركة مع ابنها بالشقه حلوة وجذابة .. فتوقعت ان فيه علاقة بينهما ،
وده خلاها تحس بالفضووول الشديد..
لكن ابنها سعيد استطاع ان يقرا أفكار أمه وتصرف بسرعة وقال لأمه:
أنا اعرف اللي بتفكري فيه يا أمي احب اطمنك إني انا ونانسى مجرد زملاء متشاركين فى الشقه ،
لا أكثر ولا أقل هي لها اوضتها وسريرها وانا لي اوضتى وسريري !!!
و انتهت الزيارة وعادت الأم الى بلدها .
الأسبوع اللي بعده
نانسى قالت لسعيد :
من يوم ما سافرت أمك وانا مش لاقيه كبايات الشاي.
اعتقد ان أمك اخذتهم معاها بالغلط !!
سعيد قال : اشك ف كده بس خليني أسألها على الواتس اب علشان أتأكد ..
قعد وكتب عالواتس أب لأمه :
يا أمي .. أنا مش باقول إنك أخذتي كبايات الشاي من بيتي بالغلط بس الحقيقة إن كبايات الشاي ضاعت من أول ما سافرتي من عندنا !!!!
تحياتي يا حبيبتي …
وصله رد أمه يقول :
ابني العزيز سعيد :
و لا باقول لا سمح الله ا
بس الحقيقة تقول ..
لو إن نانسى فعلا بتنام في سريرها كان زمانها لقت كبايات الشاي تحت مخدتها من ساعه ما سافرت
تحياتى ياحبيبى
