اخويا السند /قصه كامله
أمي كانت بتنشر مرة الغسيل
وأنا وأخويا الصغير وعيال الجيران بنلعب قدام البيت
كان قدام بيتنا كده عمود وبنقعد نمسكه وندور كده هي دي اللعبة
وإحنا بلف وبنلعب أخويا اتكعبل ووقع وعيط
أنا وقفت ثواني كده أستوعب يعني هو وقع إزاي
كان قريب منه ولد من اللي بيلعب معانا قومه
وأخويا بطل عېاط وكملنا لعب
ساعتها أمي نادت عليا بصوت ڠضبان جدا وقالتلي اطلعي هنا
أمي سابت الغسيل وقالت لى بلهجة شديدة هو أخوك لما وقع ماقومتهوش ليه
قولتلها ماهو فلان قومه
قالت لى هو فلان دا أخوه
قالت لى تعالى وخدتني في جنب الشباك كده بحيث اشوف العيال بوضوح
وقالت لى بص على هدوم أخوك كده
قولت لها آه ده اتوسخت من الوقعة بس ده تراب عادى هينضف
قالت لى بس بصوت أهدى كتير لما الڠريب قوم أخوك مانضفش هدومه
ولا طبطب عليه وحضڼه وراضاه
قومه وسابه ومشي يكمل لعبه
اللى بيقع بيحتاج أخوه يقومه
عشان أخوه يشوف إيه اللى كعبله ويشيله
عشان أخوه ينضفله هدومه مايسبش الناس تشوفه متهان
عشان أخوه يطبطب عليه ويراضيه
اللى بيقع لما بيقف مابيقفش سليم
بيحتاج أخوه يخليه يقف سليم
حافظوا ع الود وخليكم مع اخواتكم الأول قبل الغرب
ملكوش إلا بعض
