اتفق الاب مع السواق/قصه كامله
_ الراحمون يرحمهم الله
اتفق الأب مع سواق التوك توك انه يودي أولاده المدرسه ويجيبهم كل يوم وبعد كام مره للأولاد مع السواق يسأل الأب الإبن الأكبر ..
أيه الأخبار ياحبيبي مرتاحين مع السواق الجديد
الإبن .. هو مواعيده كويسه بس بيجيب ابنه اللي عنده سنتين يركبه معانا
الأب متشكرين ياريس الأولاد مبسوطين منك🙂
السواق .. شكرا ياباشا دول حبايبي🤗
الأب .. هو انت بتركب طالب معاهم ؟ !!
هو مدايقهم ياباشا ؟؟؟
الأب .. لا أبدا بالعكس ده انا افتكرته وانا بكلمك لأن الولاد بيحبوه جدا حتي اشتروله هدوم وألعاب هديه فقلت اسألك هو ابن مين عشان توصله الهدية .. خلاص هخلي الولاد يدولك هديته انت بقي.🙂
من القصص الانسانية اللي مرت عليا .
جيهان ...
