قصه بقلم مرفت

الي حصلك
حصلي ايه 
اتغيرتي خالص
للاحسن ولا 
للاحسن طبعا انا معرفتكيش
هههههه وانت كمان عجزت وبقالك كرش وشه احمر من الغيظ 
حطيت رجل على رجل وانا مبسوطه اني استفزيته كل راجل بيدي لنفسه الحق ينتقد شكل الست وهو تلاقيه مبيغسلش وشه قولتله بهدوء خلينافي المهم عاوز ايه 
اناااا جاي عشان اشوفك انتي عاوزة ايه

انا مش عاوزة حاجة 
يعني إيه 
يعني انت طلبت مني من فترة طلب وانا وافقت وانت اختفيت وظهرت وانا لاكلمتك ولا فارق معايا تظهر ولاتختفي
يعني موافقة نتطلق خلاص 
اها قولتلك طلق لو عاوز وانت مطلقتش
طب ماوحشتكيش
لأ 
انتي اكيد لسة زعلانه مني عشان كدة بتنكري اشتياقك
ضحكت من قلبي انت عبيط ولاايه
اتغاظ من ردي وقال بعصبية يعني ايه
يعني بص لنفسك بالمراية دة الانسان الي انا اتجوزته فين وسامتك فين رشاقتك الراحة ورا المكتب عملتلك كرش وريحتك سجاير تعمي وشعرك بدأ يتنحل وفوق كل دة خاېن معرفش على ايه بس انت حر مبقتش عاوزاك وانت. كمان قولتلي انك. مش عاوزني ومش مرتاح وبصراحة بعد تفكير احنا فعلا مننفعش سوا خلاص 
اتعصب لسة هايقوم يقرب مني قولتله فكر كدة وشوف هايحصلك إيه انا مبقتش حسناء بتاعة زمان الي كانت معاك بتتحمل قرفك
انا مكنتش هضربك على فكرة 
ههههه قصدك مقدرش اضربك وقمت قفلت الشباك 
دقيقه ولقى 6 رجالة بيخبطو وبيطمنو عليا
قولتلهم انا كويسة ياعلي شكرا ياعجمي هو خلاص قرب يمشي
نزلو وهما بيبصوله بحدة
قالي بهدوء انتي اتغيرتي بجدطيب دلوقتي يعني مفيش امل خالص حتى عشان العشرة الي بينا نجرب تاني انتي اتغيرتي زي ماانا عاوز
لأ انت عجزت واتبهدلت وسمعتك بقت وحشة اوي انا مينفعش اخلف منك انا عاوزة اكون مع راجل بجد يقدر قيمتي 
وانا ماتغيرتش عشانك اتغيرت لنفسي
يعني دة اخر كلام
قالها وهو على وشك البكاء مش قادر بنزل عنيه من. عليا وبعد المكابرة هايبدأ يتحايل
اه انت غريب اوي مش دة كان. طلبك اصلا
اه بس انا بحبكك ومقدرش استغنى عنك
ومحتاجلك انا كنت بعمل معاكي كدة عشان تغيري نفسك باحفزك
وقرب مني ومسك ايديا وقالي انا لسة بحبك 
ابتسمت وقولتله وانا مبقتش باحبك 
انت كنت غلطة 
يعني خلاص 
طلقني بدل مااخلعك خليك راجل لمرة واحدة وخد قرار من غير تدخل امك واخواتك
اتعصب ووشه احمر وخبط ايده بالترابيزة جامد
وقومت فتحتله الباب 
اتجه للباب وقبل مايخرج وقف وقالي حسناء انتي طالق 
ابتسمت واغلقت الباب 
شعور يغمرني بالسعادة والحرية انا قدرت اتكلم وارد عليه 
انا كنت اسيرة لمعتقدات خاطئة بان الست لازم تتحمل وتصبر على جوزها ولازم تخدم اهله ولازم تصرف عليه لما يستنطع وماينفعش ننتقد الراجل دة معفي من الحساب 
يخون اصبري عليه
يتخن عادي الراجل مش بشكله
ميصرفش اصبري عليه وبيعيله دهبك ل يستاهل وماله انما دول بيفتكرو ان تضحيتك حق مكتسب
انا لقيت نفسي ويوم ماهاتجوز هاتجوز شريك حياة
يقدرني ويحبني
وساعتها هابقى ملكة جمال 
ولما نخلف هانربي اولاد بدون عقد. نفسية
لاول مرة 
سنوات احس اني انثى جميلة وحرة 
اوعي تكوني مع راجل عشان خاېفه من كلام الناس والاهل وتقبلي انك انسان درجة تانية واهو ضل راجل والسلام
انتي جميله وقوية وتستحقي الافضل
لقد كرمنا الله فلا يهيننا بشړ
تمت
حكايات_بلا_عنوان
بقلم_مرفت_السيد