بقلم عزه العمروسي

 ليه شايفني مچرم 
أوعى تظلم الإجرام معاك 
سيبني كدا متزقنيش 
عاوزني أسافر واسيبها 
ده بيتي ومش من حقك تكرشني
أنا مخلفتش غير بنت واحدة ابني ماټ خلاص 
زقني وقعني وقفل الباب مشيت وانا مش عارف أروح فين طلعت موبايلي رنيت على صاحبي نزل قابلني روحنا على النيل وقعدنا شوية نهزر ونعاكس ونتطاول واللي كانت تصدنا واللي كانت تميل لينا سهرنا سهرتنا وأول ما قولتله معلش هبات عندك النهاردة وشه جاب ألوان بس اتكسف يرفض لكن لما روحت معاه البيت نيمني في البدروم!

وسيبت دروسي وقعدت من الثانوية العامة وتاني خرجنا كلنا في المولد ومسكنا في الفرصة دي 
ركبنا الأتوبيس كل واحد ركز مع واحدة عيني وقعت على بنت آية في الجمال مختمرة وتلم عليا الأتوبيس لكنها التزمت الصمت قعدت وهي بتغمس أطرافها جوا هدومها وكأنها بټلعن خدودها حسيت نفسي صغير وحقېر قدام نظراتها اللي كلها حړقة وذعر وكأنها طفلة صغيرة 
والغريب إن الست طبطبت على إيدي وقالت أحمد كويس وبيسلم عليك أبقى تعالى شوفه 
استغربتها جدا ووقفت متنح للست دي إزاي بتقولي كدا وانا معرفهاش أصلا نزلت من الأتوبيس لاقيتها حطت إيديها على كتفي وقالت أنا فعلا كان عندي أحمد بس ماټ في حاډثة من سنتين وهو رايح كلية الهندسة 
طيب ليه عملتي نفسك عارفاني 
عشان أنقذك من إحراجك 
بص يابني هقولك كلمتين أوعى تفرح إن البنت سكتت ونزلت دمعتين وخلاص دي دمعتها
بلعت ريقي بصعوبة مكنتش أعرف إنها خدت بالها أصلا 
بقولك إيه ما تيجي معايا بيتي أنا معنديش غير ابني عبدالرحمن في كلية طب وهيفرح بوجودك وهيتبسط إن بقى ليه حد يقعد معاه شكلك مبهدل وأكيد محتاج ترتاح 
حسيت كلامها أنقذني أنا مكنتش لاقي مكان أنام فيه أصلا بس عملت نفسي عندي عزة نفس ابتسمت وخدت منها الأكياس اللي كانت شايلاها وكأني رجعت طفل صغير وفضلنا نهزر طول الطريق وصلنا البيت وأول ما دخلت لاقيته بسيط جدا وكان عبارة عن دور واحد أرضي المكان مليان سکينة وهدوء كل حاجة فيه مترتبة وبرغم إن البيت قديم إلا إنه نضيف كانت مشغلة سورة يس بصوت منصور السالمي الجدران عليها آيات قرآنية وشهادات لإبنها من كتر إحساسي بالطمأنينة والراحة عيني كانت بتقفل رغما عني وبدون
ما أحس بس كنت برجع أفوق حاولت أشغل نفسي في حاجة بدل ما بنام على نفسي فلاقيت كارت على الترابيزة اللي جنبي مكتوب عليه كلمتين لشيخ اسمه سمير مصطفى وكان بيقول فيه
القاعدة بتقولك إيه القلوب تملى وتفرغ فإذا ملأت بشئ فرغت من ضده ودي قاعدة نفيسة جدا ودليلنا على كدا قول النبي صلى الله عليه وسلم
القلوب أوعية 
يعني مثلا الكوباية دي فيها هوا لو جيت تحط ماية هيطلع الهوا فالماء ضده الهواء فإذا دخل الماء خرج الهواء وإذا خرج الماء دخل الهواء إنما يقعدوا مع بعض متطمعش! 
يا تملئ قلبك بالأغاني أو بالقرآن لكن الإتنين يقعدوا مع بعض مينفعش لإنهم هيفضلوا يتصارعوا جواك لحد ما فيه خصم منهم لازم هيحسم النهاية 
رجعت براسي لورا وسندت على طرف الكرسي قعدت أفكر
في تاريخي القذر والمقرف مشاكلي مع أبويا نظرة البنت ليا اللي حسيت إنها سببتلها عقدة نفسية وكأنها كانت بتقولي من خلالها أنا خصيمتك يوم القيامة 
شوية ولاقيت إيد بتهزني فتحت عيني على هيئة شاب ملامحه راقية ولبسه شيك ولابس نضارة وبيقولي إزيك 
اتعدلت في جلستي بسرعة وجيت اتكلم قالي متقولش حاجة أمي حكتلي كل حاجة ويلا