طارق الليل مصطفى الصعيدي
والله .. بس انا فعلا مقولتش لحضرتك علي عنواني !!
فؤاد .. لا قلتي .. بس انتي نسيتي
رضوي .. مش عارفة بصراحة !! طب والقط بتاع حضرتك عرف عنواني منين !
فؤاد .. هههه .. جيمي ! ما انا جاي عشانه . هو فين !
رضوي .. بصراحة رميته بره قبل ما حضرتك تيجي علطول .. هو حضرتك ماشوفتوش وانت طالع عندي
فؤاد .. لا .. طب رمتيه ليه بره .. هو عمل حاجة ولا ايه !
فؤاد .. انتوا لما كنتوا عندي في القصر امبارح والبنات لعبوا معاه شوية .. شكله كدا اتعلق بيهم !! واول ما مشيتوا راح مشي وراكم علطول
رضوي .. اها .. عشان كدا !!
فؤاد .. ما صدق بقي داق طعم الحرية .. مش لما كان متكتف كان احسن !
رضوي .. بصراحة اه
فؤاد .. هههههه .. زمانه رجع ع البيت
رضوي .. هو حضرتك متعور ولا ايه !
فؤاد .. اه .. وقعت ع السلم وانا طالع
رضوي .. اكيد اتكعبلت في السلمة المکسورة !
فؤاد .. للأسف اه
رضوي .. طب انا هاجيب لحضرتك قطن وبيتادين عشان اطهر الچرح
فؤاد .. هاتعبك
رضوي .. لا ابدا .. بعد ازنك .. تحب تشرب حاجة !
فؤاد .. ياريت فنجان قهوة
ثم تدخل رضوي الي عرفة بناتها لتطمئن عليهم
رضوي .. غيرتوا هدومكم
سلمي .. ايوا غيرنا اهوه
رضوي .. طب روحي اعملي فنجان قهوة ل عمك فؤاد
سلمي .. ماشي
انهار .. ماما .. من فضلك عايزين نقعد مع عمو شوية .. والنبي يا ماما عشان خاطري
رضوي .. ماشي .. وبلاش اسئلة كتير ملهاش لازمة .. فاهمين !
انهار .. حاضر
فؤاد .. اهلا .. اهلا .. بالقمرات التلاته
سهام .. عمو .. هو انت لابس كله احمر في احمر ليه !
انهار .. سهام .. ماما
لسة قايلة بلاش اسئلة !
فؤاد .. سيبيها براحتها .. اقلك سر ومتقوليش لحد !
سهام بصوت خاڤت .. سرك في بير يا عمو
فؤاد .. انهارده الخميس ولازم كل خميس يكون لبسي احمر في احمر !!
فؤاد .. هاقلك ..
ثم تخرج رضوي ومعها البيتادين المعقم والقطن فتندهش عندما لا تجد فؤاد .. يبدوا انه انصرف .. تنادي بعد ذلك علي بناتها فلم يجيبوا ! تبحث
عنهم في غرفتهم فلا تجد لهم
اثرا .. رضوي يصيبها القلق والخۏف الشديد .. بحثت عن بناتها في كل مكان بالشقة فلا اثر لهم !
البارت السادس
وتدخل رضوي لتجد القط جيمي داخل الحمام والغريب انه مازال حيا ينظر
اليها بكل الم وحسرة وكأنه يريد ان يبلغها رسالة معينة بنظرات عينيه تلك .. يرفع عينيه الي السقف فتنظر رضوي الي حيث ينظر القط فتجد السقف وقد تحول الي شاشة عرض تعرض مشهد لبناتها الثلاث وهم ويقولون .. الحقينا يا ماما .. ويبدوا انهم محجوزون داخل سيارة مغلقة تسير بسرعة كبيرة الي مكان ما .. البنات يبدوا عليهم الخۏف.. وفجأة يظهر فؤاد وكأنه ش .. بعدها تختفي تلك الشاشة .. رضوي يصيبها القلق الشديد فتقول
رضوي .. بناتي !
ثم تنظر الي القط فتجده قد اغلقت عيناه !! .. رضوي تنطلق مسرعة الي
قصر فؤاد .. ظنا منها انه قد اخذ بناتها ورحل .. وكلما استوقفت تاكسي وعرف بالعنوان رفض اصطحابها وينطلق دون ابداء اي مبرر .. كررت المحاولة ٥ مرات وفي السادسة
