ولدت توام بقلم هويدا

انتي وعم حسن ربنا يبارك فيكم زي ماسترتوني ربنا يكرمك ياعم حسن
حسن 
ماتقوليش كده ياسماح انتي احنا اهل يابنتي ولازم نستر على بعض في الدنيا عشان ربنا يسترنا في الاخرة بس انتي يابنتي لازم تكلمي الكلب اللي عمل فيكي كده عشان يتجوزك
مالك ياسماح ياحبيبتي انتي تعبانة ولا ايه يابنتي طمنيني عليكي
سماح
مالي ياما انا كويسة قدامك اهو انا مفييش حاجة ابدا هو انا باين عليا ان فيا حاجة ولا ايه
الام 
مفيش اصل انتي وشك اصفر كده زي ماتكوني خارجة من دور تعب هو انتي كنتي تعبانة ومخبيه عليا ياسماح
سماح 
لا ياما مفيش حاجة انا بس ااا كنت ااه كان عندي دور برد بس مش اكتر هتلاقيني بس مجهدة من بعده انا هدخل اوضتي ارتاح فيها
وسبت امي ودخلت جوه وقولت لازم اتصل بخالد وعرفه اني ولدت وقولت له 
الوو ايوه ياخالد انا سماح انا كنت بتصل بيك عشان اقولك عشان حاجة انت لازم تجي وتكتب عليا ياخالد عشان العيال يتكتبو باسمك حرام عليك اللي انت عملته فيا
خالد 
نعم ياروح امك اسمعي يابت انتي انتي تنسي خالص واحد اسمة خالد انتي سامعة انا ماليش دعوة بيكي
سماح بعصبيه 
انت بتقول ايه يا ندل ياواطي انت انت مش عارف انت كده هتوديني
في داهيه بس انا مش هاروح في داهيه لوحدي ربنا ينتقم منك ياخالد
خالد 
أعلى مافي خيلك اركبيه ياسماح انتي واحدة كنتي عايشة في بلد لوحدك ابقي تعالي بقا وريني الناس هتصدقك ازاى لما تقولي عني حاجة انا راجل معروف انا وعيلتي وانتي ولا ليكي اصل ولا فصل وانا مش هتجوز واحده زيك
سماح 
ربنا ينتقم منك ياخالد ربنا ينتقم منك ياكلب ياحقير انا غلطانة 
وقفلت في وشة الفون وفضلت الطم على وشي واصوت واعيط ومش عارفه اعمل ايه واروح لمين وتاني يوم لقيت هناء مراتي عمي جايه عندنا وقالت لأمي 
شوفي بقا يافوزية بنتك اهي ورجعت وبقت جنبك اظن بقا ان الأوان انها تتجوز ده في عريس انما ايه لوقطة اي واحدة تتمناه عايز يتجوزها قولتي ايه
فوزية 
وده يطلع مين ياهناء احنا نعرفه ده
هناء 
ايوه تعرفي ده الحاج ابراهيم اللي عنده الشونة بتاعت الاعلاف راجل مقتدر وعنده خير ياما وبنتك هتعيش في عز وهنا انما ايه هي بس توافق عليه وطاقه القدر هتتفتح لها ده الراجل شاري ومستعد يدفع مهر من جنية لمليون
وخرجت من جوه لما سمعت كلام مرات عمي وقولت لها 
بس انا مش عايزة اتجوز يامرات عمي وكمان انتي عايزة تجوزيني واحد زي ده ليه هو انا عانس ولا عانس وانتي عارفه ان اي حد يتمناني
هناء 
ياختي هو انتي كنتي لقيتي عريس ووافقتي عليه اتنيلي ياسماح انتي اصلا مش لاقيه اصلا وبعدين ماله الراجل ده شاري وعايزك في الحلال يابت وافقي خليكي تطلعي انتي وامك من الفقر ده
سماح 
اخس عليكى قليلة الادب بقا ده جزاتي اني عايزة مصلحتك سامعه بنتك يافوزية ينفع اللي هي بتقوله ده
فوزية 
معلش ياهناء حقك عليا انا وانتي ياسماح اتلمي وعيب كده يابنتي دي مرات عمك كتر خيرها يابنتي ماينفعش تقولي لها كده ويلا أدخلي على اوضتك
وسبتهم ودخلت الاوضة وامي قالت لهناء 
معلش ياهناء امسحيها فيا انا ياختي سبيها بس انا هتكلم معاها تاني واشوفها واخليها توافق ده الحج إبراهيم مفيش منه بس هو كبير حبيتين عنها ومتجوز اتنين بس كفايه انه هعيشها في سعاده وهنا
هناء 
ماهو كبير ومتجوز اتنين اه يافوزية بس معاه فلوس بالهبل ياختي والفلوس دي كلها هتعود عليكي انتي وهي بس بقا اوعي
تنسيني ماشي
فوزية 
ان شاء الله ياهناء انا هتكلم معاها
ومشيت هناء وامي دخلت عندي وقالت لي
ينفع تتكلمي كده مع مرات عمك ياسماح دي جايه وجيبا لك الخير يابنتي مكنش ينفع كده
سماح 
ياما حرام عليكي وكفايه سلبيه بقا انا لازم اختار حياتي ومش هينفع اتجوز راجل عجوز زي ده انتي لازم ترفضي الله يخليكي متخليش هناء وعمي يمشو كلامهم علينا انا وانتي
فوزية 
ليه ياسماح دول اهلك يابنتي انتي ملكيش اب وعمك ده مكان ابوكي كده ولا ايه واللي هو يشوف الصالح ليكي يعمله
سماح 
بس مش لدرجة انه يجوزني راجل عجوز ياما انا مش عايزة اتجوز العجوز ده لا يمكن اتجوزه ابدا انا بقولك اهو
وانا دخلت عند حسن ومكنش موجود وكنت انا ومراتة ودخلت مره واحده هناء وقالت 
يلهوي انتي بتعملي ايه هنا ياسماح 
ساعتها ارتبكت و قولت لها 
اااا
ده ده ابني يامرات عمي جبتة من حسن
مرات حسن اټصدمت وقالت 
انتي بتقولي ايه ياسماح بقا جزات الراجل ان ستر عليكي واخد عيالك ودراهم عن الناس
هناء 
البت دي بتقول ايه يا ماجده هو جوزك ضحك عليها ولا ايه في دخلت حسن وقال 
ايه الكلام ده ياهناء ضحكت على مين
هناء 
تعالي يابت معايا على بيت امك ده انا هفضحك في البلد كلها دلوقتي 
سامحني ياعم حسن حقك عليا انا مكنش قدامي غير اني اقول كده وقابل ربنا انا عايزاك تخلي بالك من عيالي وتربيهم كويس اوعدني انك متفرطش فيهم
حسن 
اوعدك ياسماح سماح سماح الله يرحمك يابنتي
وراحت سماح وحسن ربي عيالها
وبكده تكون خلصت حكايتنا