مراتي بقلم هويدا
وهيجيلنا على هناك
هبه
يا نهارك اللي مش معدي ايه اللبس اللي انتي لابساه ده انتي عارفه لو بابا شافك كده هيعمل فيك ايه
يوسف
وخطيبك ازاي يوافق انك تروحي له على القاعه يعني هتدخلي كده قدام الناس ازاى مش فاهم
ليلى
انا مكلماه وهو هناك والموضوع انتهى انا مش هخلي حد ينكد عليا في يوم زي
هبه
اعقلي يا ليلي بلاش كده ميصحش ادخلي البسي فستان تاني بسرعة ايه ده بس
بقولك ياست هبة خليكي في حالك واللي عايز يحضر فرحي اهلا وسهلا واللي مش عايز يرجع البيت يلا بنات انا كفايه معايا اصحابي حبايبي ومش عايزة حد
يوسف
استني عندك انا هوصلك القاعه بتاعت الفرح ما انتي مش هتروحي القاعه لوحدك انتي وأصحابك يعني
وبعدها رحنا القاعه ومنير شافني اټصدم وامه وابوه وكل اللي موجودين وبابا قالي
ليلى
انا مليش دعوة بالناس ماشي يابابا انا دلوقتي على زمة راجل وهو اللي موافق اني البس كده وانا وهو متفقين على كل حاجة ماترد يامنير الله
منير ارتبك ورد وقال
اااا ااه ياعمي ايوه احنا فعلا متفقين علي كل حاجة وخلاص بقا ده فرح وخلي الليلة تعدي كويسه
ماشي يابني انت حر انت وهي
وبعدها الدجى اشتغل وفضلنا نرقص ونهيص وبعدها يوسف قال لهبه
انا عايز اطلب منك طلب ياهبه ممكن بس اتمنى يعني أنك توافقي عليه
هبه
طلب ايه ده يا يوسف قولي
يوسف
انا عايز اتجوزك يا هبه وهاقوم دلوقتي اطلب ايدك من خالي قدام الناس دي كلها ايه رايك بقا
هبه
لا لا يايوسف انا بتكسف خليها بعد الفرح وبعدين يعني هو بابا هيروح فين ماهو موجود اهو
انا بقا ليا مزاج اني اطلب ايدك قدامهم كلهم عشان تبقا الفرحة فرحتين اصلي انا وعدت ماما اني هفرحها النهاردة هي كمان وكده يعني
هبه
خلاص اللي تشوفه يا يوسف اعمله انا هاقولك ايه يعني
وعند ترابيزة ام منير وابوه واخته قالت لهم
هي العروسة عامله كده ليه ياماما هو ازاى منير يسمح انها تحضر الفرح كده معقولة منير يوافق ان مراته تبين جسمها قدام الناس كده
يابنتي ماهي دي ليله العمر برضو والبنات بتبقا عايزة تفرح بيها سبيها تفرح لها شويه اهي برضو بنت وزي البنات كلها اللي بتحب تلبس اللي يعجبها في ليله زي دي يا منى
مني
والله انا مش عارفه اقول ايه ده حاجة مسخرة وقلة ادب كويس ان جمال جوزي عنده شغل ومعرفش يجي الفرح النهاردة كان هيبقا منظر ابنك قدامة
الاب
وبعدهالك يامنى يابنتي خلاص بقا خلي الليلة تعدي على خير اخوكي فرحان هنكد عليه يعني ولا ايه
والله يابابا انت وماما غلابه خالص ربنا يسترها عليكم من البت دي انا مش مرتاحة لها ابدا يعني
وبعد شوية يوسف مسك المايك وقال
ياجماعة بمناسبة ان فرح بنت خالي النهاردة عروستنا ليلى فانا قررت وانا بكامل قواي العقليه اني اطلب ايد هبه اخت العروسة من ابوها اللي هو خالي قولت ايه ياخالي
الكل بقا يزرغط وفرحانين وماما وبابا وافقو وفرحو وكلهم اتجمعو على ترابيزة وانا رحت لهم وقولت
ااه انتو بقا ان شاء الله عملتوها عشان تنكدو عليا يوم فرحي هو الفرح ده مش ليا لوحدي انت ازاى ياسي يوسف تعمل كده
الاب
وهو عمل ايه يوسف يابت انتي عشان تتكلمي معاه كده ووطي صوتك عشان الناس متاخدش بالها منك
ليلى
اوطي صوتي ليه يابابا ده فرحي انا ودي ليلتي مينفعش الاستاذ يخطب اختي
في فرحي صح ولا ايه
يوسف
انا عملت كده
عشان كنت فاكر انك
