مراتي راحت لصاحب الشغل
انت في الصفحة 1 من 5 صفحات
ووصلو
يداية الحكاية اول يوم رمضان في بيت الاسطي منصور اللي كان عايش مع مراته وبنته الوحيدة حبيبة
حبيبة
صباح الخير يابابا رمضان كريم
الاسطي منصور
صباح النور عالبنور يا حبيبة ابوكي
ام حبيبة
ايوة والله دلع انت فيها هي حبيبة ابوها بس ونور عين امها
حبيبة
اه اكيد بعد دا كله في حاجة قولي ياجماعة انا زي بنتكم
بس ولا في حاجه ولا
الاسطي منصور
لا في عارفة سعيد ابن الاستاذ زكريا
حبيبة
ايوة ماله
الاسطي منصور
عايز يخطبك ايه رايك
ام حبيبة
ودي محتاجة راي دا واد زي السكر ومؤدب واخلاقه في السما ومعيد في الجامعة واهله ناس مرتاحين
حبيبة
لو سمحتي يا امي الامور ماتتحسبش كده
الاسطي منصور
انا عايز اسمعك الاول اسكتي انتي يا ام حبيبة
اولا انا لسة ماخلصتش تعليم ودي اخر سنه ليا في الجامعة وانا عايزة اتعين معيدة في الجامعة وخصوصا ان تقدير كل سنه امتياز وحضرتك وعدني انك تخلي عبد العزيز بيه يساعدني في الموضوع ده
الاسطي منصور
كلامك صح وثانيا يا استاذة حبيبة
حبيبة
ان كان هو اخلاقة كويسة فانا اخلاقي الكل يحلف بيها وان كان هو اهله مرتاحين فعمره مايقدرش يقدملي اللي كان بيعمله معايا ابويا وامي
الاسطي منصور
وانا موافق علي كل كلمة قولتيها
ام حبيبة
بس انا مش موافقة يا حبيبة البنت طلعت نزلت اخرها بيتها وجوزها واولادها
الاسطي منصور
بطل الكلام اللي انتي بتقوليه ده البنت بتعمل مستقبل احسن من الواد
انا ياامي موافقة بس مش دلوقتي لازم اكون زيه في تعليمه ومستواه عشان ما احسش اني اقل منه
الاسطي منصور
والله كلامها صح بنتك بتفكر صح انتي عندي بالدنيا كلها وبميت راجل
طيب ولد عبد العزيز بيه اللي انا شغال عنده ابوه يشتغل ليل نهار والواد مدلع وما يعرفش حاجة عن شغل ابوه ومفيش معاه غير السهر ويصاحب دي ويسيب دي
وابوه ساكت ليه عليه ماياخده يشتغل معاه ولا ېموت عبد العزيز بيه يضيع شقي السنين في يومين
الاسطي منصور
والله معاكي حق بس امه مدلعاه علي الاخر
حبيبة
برضو غلطة ابوه لازم يشد عليه عشان ولده مايتعبش بعدين
الاسطي منصور
عايزين حاجة وانا جاي من الشغل
ام حبيبة
سلامتك كل حاجه موجودة في البيت
معلهش يابابا بعد ماخلص الامتحان هاروح مكتبة في فيصل اشتري ملزمة الامتحان الاخير
الاسطي منصور
اه عايزة فلوس عدي عليا في الشركة هاديكي اللي انتي عاوزه
حبيبة
هاخلص امتحان وهاجي عالطول.
وخرج الاسطي منصور علي شغله وحبيبة عالجامعة
والاسطي منصور كان سواق عند عبد العزيز بيه صاحب شركات استيراد وتصدير
بس كان راجل يعرف ربنا وطيب ومتواضع جدا وهو بيوصله
عبد العزيز
هي بنتك خلصت امتحانات يا منصور
الاسطي منصور
عليها النهاردة امتحان والاسبوع الجاي الامتحان الاخير
عبد العزيز بيه
قولها اني عند وعدي ليها ان جابت امياز كمان السنه دي هخليها معيدة با اذن الله
الاسطي منصور
لسة كانت غاتحة معايا الموضوع دا عالصبح
عبد العزيز
هههههههه تجيب امتياز وملهاش دعوة باي حاجة
الاسطي منصور
الله يكرم سعادك ويباركلنا فيك ويفرحك بيوسف بيه
عبد العزيز
اه يوسف عايش ولا همه ولا في باله اي حاجة غير السهر
الاسطي منصور
تسمحلي اقول حاجه
عبد العزيز
قول يا منصور احنا عشرة عمر يعني زي الاخوات واكتر
الاسطي منصور
عشان كده انا هتكلم معاك بصراحة اللي فيه ابنك انت السبب
عبد العزيز
ازاي يامنصور دا انا اللي عملته عشانه محدش عمله انت ناسي اني خلفته بعد 15
سنه جواز
الاسطي منصور
عشان كده لازم تحافظ عليه وتنجده من اللي هو فيه
عبد العزيز
يعني اعمل ايه دلوقتي وهو بقي راجل طول بعرض
الاسطي منصور
هاته يشتغل معاك في الشركة وقوله انه لو منفذش كلامك هتطرده وشوف بنفسك هعمل ايه
