ام احمد بقلم هويدا زغلول
لده كله انا مقصدش اني اغتابها ولا اعيب فيها انا بس كل الحكايه اني اعرفك هي كانت ايه
ام احمد
وانا مش عايزة اعرف هي كانت ايه المهم اننا نقول الله يرحمها وبس انتي بقا تبطلي تتكلمي عن أي واحده لا بالحق ولا بالباطل انتي سامعه لحسن انا هبطل شغل معاكي خالص ياولية انتي
نبوية
خلاص خلاص يا ام احمد انا اصلا مقدرش استغني عنك ابدا انتي عارفه حقك عليا
طيب يلا بينا على الغسل اخلصي يانبوية
وخلصت ام احمد ونبوية كل حاجة في الغسل في الست اللي كانت قدامهم وام احمد قالت لها
خلاص الحمد لله خلصنا يانبويه يلا شيلي المتوفيه قدامي عشان نحطها على السرير الناشف ده
و شالوها ونبوية قالت لها
اوعي تكوني واخده على خاطرك مني ياام أحمد ولا حاجة انا مقدرش على زعلك والله وان كنت بقول حاجة فانا بتفك بكلمتين وخلاص
انا مش زعلانة منك يانبوية انا زعلانة عليكي لما تقابلي وجهة كريم هتقولي له ايه عن كلامك عن الستات اللي بتروح كده هااا وبعدين دي مش اول مره انك تعمليها وانا حذرتك قبل كده كذا مره وانتي مفيش فايده فيكي انا جبت أخرى منك يانبوية
نبوية
خلاص والله حقك عليا انا بس انا والله ببقا شايله الهم وانا جايه من البيت ومبصدق اجي اتفك معاكم هنا اعمل ايه بطل زهقي في اي حاجة وخلاص
في فرق بين انك تطلعي زهقك وتهزري حاجة وفرق بين انك تيجي وتتكلمي عن الاموا ت بالطريقة دي لازم تتعملي الأصول في الاغسل يا نبوية الغسل ده أصول وكمان تتعلمي انك متطلعيش أسرار الغسل بره
نبوية
وهو انا بطلع اي أسرار بره ياختي انا عمري ماطلع مني اي سر برة
ام احمد
ياوليه بطلي كدب بقا يلهوي عليكي انتي هتولعي بكدبك ده والله
اخس عليكي يا ام احمد انا مش بطلع اي سر واحدة بره خالص انا طول عمري ماشيه بما يرضي الله صحيح ماهو اللي مايعرفش يقول عدس
ام احمد
وايه بقا اللي معرفوش يانبوية عشان اقول عدس فهميني
نبوية
لا اصل انا اللي فيه ومحدش يعرفه يا ام احمد ميتحكيش والله ياختي ده انا كل يوم في نكد وغم في البيت مع أهل جوزي انا معايا عيلة صغيرة عندها 17سنه من بعد ابوها ما سبها وراح وانا اللي كنت بربيها لوحدي لحد لما كلة برت كده
خلاص يبقا تتقي الله في بنتك دي على الاقل عشان لما تكبر تفتخر بيكي وتعرف انك عرفتي تحافظي عليها ولا ايه
نبوية
المشكلة مش في كده المشكلة في أهل جوزي اللي عايزيني ارميها الاندال بيعملو كده عشان اخوهم كاتب حته أرض كانت بتاعته باسم البت وانا الوصية عليها
ام احمد
ياساتر يارب طيب وانتي ازاى ساكتة على كده يعني ازاى ساكتة لهم وهما ظالمينك بالشكل ده يانبوية ازاى
انتي عايزاني اقول ايه بس يا ام احمد انا ياختي مش عارفه اتصرف معاهم ازاى ولما رحت بلغت الشرطة قالو لي احنا هنعمل لك ايه ماهما مافيش اي حاجة تدينهم خالص وفضلت مستحملة لحد دلوقتي
ام احمد
وانتي ساكتة عن حقك ليه انتي كنتي دبيتي صوابعك في عنيهم اي حد يجيب في سيرتك ولا يتكلم عمك كلمة مش بطاله انتي اللي جبتيه لنفسك
نبوية
انا بقول لك دول مفتريين ياختي ميعرفوش ربنا اذا سمحو لنفسهم
ام احمد
والله ناس غريبة اوي الصراحة وربنا على الظالم والمفتري يابنتي المهم انك دلوقتي تاخدي بالك من نفسك ومن بنتك واوعي حد يضحك عليكي ابدا انتي سامعه
نبوية
حاضر
